David, sem er 23 ára gamall, er markahæsti leikmaður franska félagsins Lille á þessari öld.

Hann afrekaði það á aðeins þremur árum hjá félaginu en á þessu tímabili er hann með 19 mörk í frönsku deildinni í 26 leikjum.

Mikill áhugi er á David, þá sérstaklega frá Englandi, en hann viðurkennir að það sé draumur hans að spila þar eða á Spáni. Arsenal er sagt hafa mikinn áhuga á að landa honum í sumar.

„Ég get ekki horft lengra en í næsta leik og að hjálpa Lille að komast aftur meðal fjögurra efstu. Ég get sagt ykkur það að þegar ég var yngri þá snerust laugardagsmorgnar um ensku úrvalsdeildina og La Liga.“

„Draumar allra barna er að spila þar,“ sagði hann ennfremur.