Franski miðjumaðurinn Paul Pogba verður ekki með Juventus gegn Sampdoria í Seríu A í kvöld.
Pogba kom aftur til Juventus frá Manchester United síðasta sumar en meiddist illa og þurfti að gangast undir aðgerð.
Það hefur komið bakslag ofan á bakslag á tíma hans hjá Juventus en hann virtist hafa losað sig endanlega við meiðslin í síðasta mánuði.
Hann hefur komið við sögu í síðustu tveimur deildarleikjum en var ekki með í Evrópudeildinni á dögunum vegna agabrots og nú er ljóst að hann verður ekki með gegn Sampdoria vegna meiðsla í vöðva.
Ekki er ljóst hversu lengi hann verður frá í þetta sinn en þetta tímabil hefur verið mikil vonbrigði fyrir bæði hann og Juventus.
Athugasemdir