Ítalska dómarasambandið var afar óánægt með hvernig Maresca bar sig að í leiknum og rifrildi hans við sænska framherjann Zlatan Ibrahimovic.

Maresca rak Zlatan af velli í upphafi síðari hálfleiks er Milan var 2-0 yfir gegn Parma. Orðaskiptin milli þeirra voru stutt og segist Zlatan ekki hafa móðgað Maresca.

Dómarasambandið mun ekki leyfa Maresca að dæma leiki hjá Milan á næstunni og eru þeir afar óánægðir með dómarann.

Maresca hefur verið kallaður hrokafullur af ítölskum miðlum en hann rak Pedro Rodriguez af velli í leik Roma og Sassuolo í desember fyrir litlar sakir og þá reifst hann við Antonio Conte í janúar og rak hann upp í stúku er Inter mætti Udinese.