Ítalska félagið Atalanta jafnaði 68 ára gamalt met í Seríu A í gær en þrír leikmenn liðsins hafa skorað 15 mörk eða meira á tímabilinu.
Tímabilið 1951-52 skoruðu þrír leikmenn Juventus fimmtán mörk eða meira en það voru þeir Ermes Muccinelli, Giamipiero Boniperti og John Hansen.
Kólumbíski framherjinn Duvan Zapata hjálpaði Atalanta að jafna metið í gær er hann skoraði 15. mark sitt í deildinni á þessu tímabili en Luis Muriel hefur gert 17 mörk og Josip Ilicic hefur gert 15 mörk.
Síðasta lið til að ná þessum áfanga í Evrópu er lið Paris Saint-Germain með þá Edinson Cavani, Neymar og Kylian Mbappe á síðustu leiktíð.
Athugasemdir
