Kantmaðurinn David Brooks er búinn að gera nýjan fjögurra ára samning við Bournemouth eftir að félagið hafnaði kauptilboði í hann undir lok félagaskiptaglugga sumarsins.
Bournemouth hafnaði 8 milljónum punda frá Crystal Palace til að halda í kantmanninn sinn, sem átti á þeim tíma einungis eitt ár eftir af samningi.
Brooks er 28 ára gamall og var notaður sem varaskeifa með liðinu á síðustu leiktíð. Hann kom þó í heildina að fjórum mörkum í 33 leikjum.
Hann hefur í heildina spilað 151 leik frá komu sinni til Bournemouth fyrir sjö árum.
Brooks væri eflaust kominn með meiri spiltíma undir beltið ef ekki fyrir erfiða baráttu gegn krabbameini sem hófst 2021 og lauk í maí 2022, en eftirmálarnir hafa verið alvarlegir - bæði andlega og líkamlega.
„Ég er himinlifandi með að vera kominn með nýjan samning. Sjö árin mín hérna hafa verið mjög upp og niður en ég er spenntur fyrir framtíðinni og hlakka til að skapa nýjar minningar," sagði Brooks meðal annars við undirskriftina.
30.08.2025 23:00
Bournemouth hafnaði 8 milljónum frá Palace
What a journey it's been for Brooksy with us ??????
— AFC Bournemouth ???? (@afcbournemouth) September 11, 2025
Here's a look back at some of his best moments in the seven years he's enjoyed here ????
Athugasemdir
