Ísak Bergmann Jóhannesson
Ísak Bergmann Jóhannesson landsliðsmaður Íslands var til viðtals við Fótbolta.net eftir mjög svo svekkjandi 2-1 tap gegn Frökkum á Parc des Princes í París í kvöld. Lið Íslands getur gengið stolt frá borði eftir leik kvöldsins og stóð ekki á Ísak að hrosa liðinu fyrir frammistöðuna í kvöld.
Lestu um leikinn: Frakkland 2 - 1 Ísland
„Ég er bara ótrúlega stoltur að liðinu. Við áttum skilið að taka stig hérna á mjög erfiðum útivelli. Líklega einum erfiðasta útvelli í Evrópu, Þetta er alvöru frammistaða og ég er bara mjög stoltur.“
Ísak sjálfur fékk að finna fyrir því í leiknum og gekk haltur af velli er honum var skipt áf velli í síðari hálfleik.
„Ég er bara að drepast. Ég fékk högg frá Jules Kounde í fyrri hálfleik og fékk "dead leg". Í seinni hálfleik var ég að drepast og Arnar tók mig út af á 70, mínútu sem ég held að hafi bara verið rétt. Ég var að drepast í löppinni en ég held ég verði góður eftir 2-3 daga.“
Atvikið sem ég held að flestir íslendingar aséu með efst í huga í kvöld bar næst á góma. Andri Lucas Guðjohnsen setti þá boltann í netið seint í leiknum eftir harða baráttu við varnarmann Frakka. Eftir skoðun VAR var það metið svo að Andri hefði gerst brotlegur en hvernig horfði atvikið við Ísak?
„Við vorum að horfa á þetta í klefanum og ég bara sé ekki neitt á þetta. Það er þarna hálf sekúnda sem hann er eitthvað að toga en þeir eru báðir þarna að djöflast hvor í öðrum. Maður þarf að passa sig á því sem maður segir en þetta er glórulaust. Það er bara rænt af okkur stigi hér á Parc des Princes“
Sagði Ísak en allt viðtalið má sjá í spilaranum hér að ofan.
Athugasemdir
