Portúgal hafnaði í öðru sæti á síðasta Evrópumóti og er með mikið af efnilegustu leikmönnum heims í sínum röðum.

Celton Biai, markvörður portúgalska liðsins, varði gríðarlega vel í leiknum og þurfti meðal annars að sjá við Víkingnum í leiknum.

Kristall er búinn að eiga stórkostlegt tímabil með Víkingum og varð meðal annars Íslandsmeistari á dögunum. Þá skoraði hann þrennu í undanúrslitum Mjólkurbikarsins gegn Vestra og mætir Skagamönnum í úrslitunum um helgina.

Leikmaðurinn hefur áhuga á að skoða tækifæri erlendis en segist sjálfur ánægður í Víkinni. Davíð Snorri Jónasson, þjálfari U21 árs landsliðsins, vonar allt það besta fyrir Kristal.

„Ég vona allt það besta fyrir Kristal. Hann er á góðum stað á sínum fótboltaferli og þarf bara að halda áfram að spila vel, skila góðum frammistöðum, mörkum og þessu. Hann verður í góðum málum," sagði Davíð við Fótbolta.net í kvöld.