Raheem Sterling var heima hjá sér ásamt börnum sínum þegar innbrotsþjófar gerðu tilraun til að brjótast inn um síðustu helgi.
Talsmaður fyrir Sterling ræddi við Daily Mail og staðfesti að hann hafi verið heima ásamt börnum sínum. Þetta er í annað sinn sem fjölskyldan er fórnarlamb innbrotsþjófa því hann þurfti að yfirgefa enska landsliðshópinn á HM 2022 eftir að brotist var inn á heimili hans.
Talsmaður fyrir Sterling ræddi við Daily Mail og staðfesti að hann hafi verið heima ásamt börnum sínum. Þetta er í annað sinn sem fjölskyldan er fórnarlamb innbrotsþjófa því hann þurfti að yfirgefa enska landsliðshópinn á HM 2022 eftir að brotist var inn á heimili hans.
„Raheem Sterling og fjölskylda hans eru óhult eftir annað innbrot. Þótt þetta sé algjört brot á friðhelgi einkalífs og öryggi erum við þakklát fyrir að geta staðfest að hann og ástvinir hans eru allir óhultir. Við biðjum um að friðhelgi Raheems og ástvina hans verði virt á þessum erfiðu tímum.“
Lögreglan hefur staðfest að rannsókn sé í gangi.
Sterling er á mála hjá Chelsea en hann hefur verið úti í kuldanum hjá Enzo Maresca. Hann hefur ekkert æft með liðinu á tímabilinu.
Athugasemdir
