Gylfi Þór Sigurðsson.
Gylfi á æfingu með landsliðinu í Kanada.
„Svekkjandi. Að vera 1-0 yfir á 87. mínútu, það svíður að fá á sig mark í lokin," sagði Gylfi Þór Sigurðsson við Fótbolta.net eftir 1-1 jafntefli gegn Haítí í vináttulandsleik í kvöld.
„Það er fínt að fá einhverjar 80 mínútur og alltaf gaman að skora. Heilt yfir er það svipað í síðustu tveimur leikjum að við töpum niður forystunni. Það er fínt að þetta gerist í æfingaleikjum, eitthvað sem við getum skoðað og lært af."
„Það er fínt að fá einhverjar 80 mínútur og alltaf gaman að skora. Heilt yfir er það svipað í síðustu tveimur leikjum að við töpum niður forystunni. Það er fínt að þetta gerist í æfingaleikjum, eitthvað sem við getum skoðað og lært af."
Lestu um leikinn: Haítí 1 - 1 Ísland
„Ef við ætlum að líta á einhverja jákvæða punkta, þá er það að þetta gerist ekki í einhverri undankeppni. Við þurfum að vera klókari að loka leikjum og drepa leikinn í lokin."
Það er stór gluggi í haust og það fengu margir tækifæri núna.
„Ég held að það sé bara jákvætt að margir leikmenn þekki leikskipulagið og geti hoppað inn ef þess þarf," sagði Gylfi en hann ætlar sér auðvitað að vera með í september þegar Þjóðadeildin byrjar.
„Það er alveg sama hvern þú spyrð, hvort það sé ég eða einhver annar þá vilja allir vera í landsliðinu. Það hefur ekkert breyst hjá mér."
Allt viðtalið má sjá í spilaranum hér að ofan.
