Brownhill er 24 ára gamall og uppalinn hjá Manchester United en fór árið 2012 til Preston.

Hann hefur síðustu fjögur tímabil spilað með Bristol City og er í lykilhlutverki á miðjunni.

Brownhill hefur verið öflugur á þessu tímabili en liðið er í baráttu um sæti í umspilinu í B-deildinni.

Samkvæmt Daily Mail er Burnley í viðræðum við Bristol City um kaup á Brownhill en Sean Dyche, stjóri Burnley, vill ólmur styrkja hópinn í janúar.

Burnley er í 15. sæti með 24 stig sem stendur en liðið hafnaði einmitt í því sæti á síðustu leiktíð.