Alvaro Morata, framherji Atletico Madrid, segist hafa verið brjálaður á liðsfélögum sínum hjá Chelsea þegar hann lék með enska félaginu í eitt og hálft ár.
Hinn 27 ára gamli Morata hefur skorað í sex leikjum í röð og er kominn í sitt besta form eftir misjafna dvöl hjá Chelsea.
„Ég er ánægðari núna. Þetta var ekki góður tími í mínu fótboltalífi. Ég hætti að njóta þess að spila. Ég hafði stundum ekki trú á sjálfum mér," sagði Morata.
„Þegar ég spilaði leiki á Englandi þá fékk ég það á tilfinninguna þegar ég komst í svæði að liðsfélagar mínir horfðu á mig og hugsuðu að ég myndi ekki gera neitt gott við boltann. Þetta gerði mig brjálaðan. Ég átti slæma tíma þarna."
Athugasemdir