Championship: Hull jafnaði á sjöttu mínútu uppbótartíma

Charlton Athletic fékk Hull City í heimsókn í fyrsta leik 22. umferðarinnar í ensku Championship deildinni.

Darren Pratley kom Charlton yfir á 34. mínútu þegar hann reis hæst upp í teignum og skallaði hornspyrnu Conor Gallagher í netið.

Jarrod Bowen, sem fyrr í dag var valinn leikmaður nóvember mánaðar, jafnaði leikinn með marki á 48. mínútu. Bowen fékk sendingu frá Kamil Grosicki þvert yfir teig Charlton og skoraði með skoti frá fjærstönginni.

Einungis tveimur mínútum seinna komust heimamenn aftur yfir. Skyndisókn endaði á því að Naby Sarr skoraði, tvö mörk á þremur mínútum.

Allt stefndi í langþráðan sigur Charlton en Hull jafnaði á sjöttu mínútu uppbótartíma. Varamaðurinn, hinn átján ára gamli Keane Lewis-Potter, skallaði aukaspyrnu í átt að marki Charlton.

Dillon Phillips, markvörður Charlton, náði ekki að koma í veg fyrir að boltinn færi í netið, hann varði boltann í stöngina og fékk hann aftur í sig oginn, afar svekkjandi fyrir markvörðinn. Niðurstaðan eitt stig á hvort lið.

Charlton hefur ekki sigrað leik síðan 19. október, með leiknum í kvöld eru liðnir tíu leikir án þess að sigur hafi náðst. Hull hafði sigrað tvo og tapað tveimur af síðustu fjórum leikjum sínum fyrir leikinn í kvöld.

Hull er í 13. sæti með 30 stig og Charlton er í 17. sæti með 24 stig, 22. umferðin klárast um helgina.