Spánn um helgina - Stórleikur í Valencia

Mynd: Getty Images

Fimm leikir af þeim tíu sem fara fram í spænska boltanum um helgina verða sýndir beint á <i>Stöð 2 Sport</i> og aukastöðvum.

Fjörið hefst í kvöld þegar Alaves tekur á móti Leganes en fyrsta útsendingin er í hádeginu á morgun. Þar á Granada heimaleik við Levante.

Real Sociedad, sem situr í fjórða sæti, tekur svo á móti toppliði Barcelona. Barca er búið að vinna fjóra í röð og er með sjö stiga forystu á Sociedad.

Athletic Bilbao getur komið sér upp í Meistaradeildarsæti með sigri gegn Eibar og að lokum á Atletico Madrid leik við Osasuna. Þetta er skyldusigur fyrir Atletico sem hefur ekki unnið deildarleik í rúman mánuð og situr óvænt í sjöunda sæti deildarinnar.

Á sunnudag eru tveir sérstaklega spennandi leikir á dagskrá. Fyrst tekur Sevilla á móti Villarreal en Sevilla situr í þriðja sæti, þremur stigum frá toppliðunum.

Seinni leikurinn fer fram á Mestalla, þar sem Valencia tekur á móti Real Madrid í sannkölluðum stórleik. Valencia byrjaði tímabilið illa en er búið að rétta úr kútnum og er einu stigi frá Meistaradeildarsæti. Real er í öðru sæti á markatölu.

Föstudagur:
20:00 Alaves - Leganes

Laugardagur:
12:00 Granada - Levante (Stöð 2 Sport 3)
15:00 Real Sociedad - Barcelona (Stöð 2 Sport)
17:30 Athletic Bilbao - Eibar
20:00 Atletico Madrid - Osasuna (Stöð 2 Sport)

Sunnudagur:
11:00 Getafe - Valladolid
13:00 Celta - Mallorca
15:00 Espanyol - Betis
17:30 Sevilla - Villarreal (Stöð 2 Sport 4)
20:00 Valencia - Real Madrid (Stöð 2 Sport 4)

Stöðutafla

#	Lið	L	mun	Stig
1	Barcelona	2	+7	6
2	Real Madrid	2	+4	6
3	Sevilla	2	+3	6
4	Betis	2	+2	6
5	Alaves	2	+3	4
6	Atletico Madrid	2	+2	4
7	Osasuna	2	+1	4
8	Espanyol	2	+2	3
9	Getafe	2	-2	3
10	Villarreal	2	0	2
11	Deportivo	2	0	2
12	Vallecano	2	-1	1
13	Racing Santander	2	-1	1
14	Celta	2	-1	1
15	Valencia	2	-1	1
16	Malaga	2	-2	1
17	Levante	2	-3	1
18	Elche	2	-5	1
19	Real Sociedad	2	-4	0
20	Athletic	2	-4	0