Fótbolti.net

Jeffsy þétti raðirnar - „Bað hann um meira og hann svaraði kallinu"

Davíð Snær: Það er ekkert svo langt í okkur

Hafði möguleika á að fara annað - „Jeffsy með góða sýn á framtíð mína og liðsins"

Heimir Guðjóns: Erum ekkert að henda inn handklæðinu þó við lendum undir

Óskar Hrafn: Við afhentum þeim frumkvæðið

Helgi: Menn voru orðnir vel stýfir og þreyttir í seinni hálfleik

Þýðir ekki að vera með samsæriskenningar - „Vantar bara gæði"

Oliver Heiðars: Erum örugglega besta liðið í deildinni í að koma til baka

Rúnar Kristins: Áttum þetta ekkert skilið

Rúnar Páll: Menn verða að mæta tilbúnir í þennan slag

Mikið álag á KA - „Eitthvað sem við þurfum að draga lærdóm af"

Hallgrímur Mar: Illa gaman að spila þegar það er svona mikil stemning

Magnús Már: Við getum klárlega gert betur

Hemmi Hreiðars: Myndum vinna 99 af 100 svona leikjum

Vigfús Arnar: Mjög ánægður með karakterinn

Davið Smári harðorður: Á ekki að sjást í meistaraflokki karla

Nenad: Eitthvað er ég að gera rangt

Jón Þór: Það þarf að fagna sigrum þegar þeir koma

Rúnar Alex: Hefði ekki verið auðvelt fyrir mig eða pabba

Jói Berg: Er eitthvað skemmtilegra?

þri 14. mars 2023 22:42

@brynjarerluson

Brynjar Ingi Erluson

„Margt sem við þurfum að vinna í"

Patrik Johannesen

Mynd: blikar.is

Blikar hafa ekki verið sannfærandi á undirbúningstímabilinu

Mynd: Fótbolti.net - Jónína Guðjörg Guðbjartsdóttir

Færeyski framherjinn Patrik Johannesen skoraði tvö fyrir Breiðablik í 3-2 tapinu gegn ÍBV í Lengjubikarnum í kvöld en það skiptir hann engu máli ef að liðið vinnur ekki leikinn. Blikar fara ekki í undanúrslit og hafa verið afar ósannfærandi á undirbúningstímabilinu.

Lestu um leikinn: Breiðablik 2 - 3 ÍBV

Patrik gekk í raðir Blika frá Keflavík eftir síðasta tímabil en hann hefur aðeins spilað tvo leiki í Lengjubikarnum.

Hann hefur verið að glíma við smávægileg meiðsli en er nú klár í slaginn. Patrik skoraði þrjú mörk í Lengjubikarnum þetta árið en segir þó að liðið þurfi að laga margt áður en Besta deildin fer af stað.

„Við spiluðum vel með boltann en gerðum of mörg mistök þegar við vorum að byggja upp sóknir. Þeir refsuðu okkur fyrir það en við þurfum að laga margt á næstu vikum og það verður gaman að byrja tímabilið.“

„Við vorum að einbeita okkur að okkur sjálfum og hvað við ætluðum að gera í þessum leik. Þetta var bara venjulegur leikur fyrir okkur en aðalmálið var að spila vel og leggja okkur fram.“

„Ég vil alltaf vinna og fyrir mér snýst þetta um það. Það skiptir engu máli hver skorar mörkin,“ sagði Patrik við Fótbolta.net.

Patrik er ánægður með dvölina til þessa en var að glíma við meiðsli í byrjun ársins.

„Þeir hafa verið góðir. Ég hef verið í smá basli með meiðsli en ég er að verða 100 prósent. Ég fékk frí í desember og byrjaði í janúar þannig það var gott.“

Stefnan er að verja titilinn í haust.

„Við reynum alltaf að taka titilinn og ekkert annað skiptir máli þar.“

Patrik verður í færeyska landsliðshópnum sem spilar við Moldóvu og Makedóníu síðar í þessum mánuði en hann telur liðið eiga góða möguleika þar.

„Við höfum spilað áður á móti Moldóvu og gerðum 1-1 jafntefli árið 2021. Ég held að við getum unnið þá og svo er vináttuleikur gegn Makedóníu og vonandi getum við spilað tvo góða leiki,“ sagði Patrik í lokin.

Athugasemdir

Nýjustu fréttirnar