Harry Maguire átti fínan leik fyrir Manchester United gegn gömlu félögunum í Leicester. Hann fékk hjá flestum góða einkunn fyrir frammistöðu sína, 7 hjá Sky Sports og 8 hjá staðarmiðlinum Manchester Evening News.
Maguire var í sumar keyptur til Manchester United frá Leicester fyrir 80 milljónir punda. Hann varð dýrasti varnarmaður sögunnar.
Hann sýndi Leicester alltaf mikla virðingu, mætti alltaf á æfingar og sinnti sinni vinnu eins og fagmaður á meðan hann var leikmaður liðsins.
Samt sem áður bauluðu stuðningsmenn Leicester á hann á Old Trafford í dag. Þeir bauluðu á hann og sungu, „Farðu til fjandans Maguire, við þurfum þig ekki, við erum með Soyuncu."
Fjölmiðlamaðurinn Simon Peach segir frá þessu á Twitter, en þess má geta að Caglar Soyuncu fékk dæmda á sig vítaspyrnu. Úr vítaspyrnunni skoraði Marcus Rashford eina mark leiksins fyrir Manchester United.
"F*** off Maguire, we don't need you, we've got Soyuncu..." - chant the #LCFC fans at #MUFC defender Harry Maguire before booing his first touch
— Simon Peach (@SimonPeach) September 14, 2019
Athugasemdir