Championship: Blackburn kláraði Portsmouth á fimmtán mínútum

Blackburn Rovers er komið upp í 5. sæti ensku B-deildarinnar eftir 3-0 sigur liðsins á Portsmouth á Ewood Park í kvöld.

Portsmouth var í vandræðum með að skapa sér færi í fyrri hálfleiknum á meðan Andreas Weimann fór illa með gott færi í liði Blackburn.

Gestirnir komu sterkari til leiks í síðari hálfleikinn. Colby Bishop átti tilraun sem hafnaði í þverslá og varð John Mousinho, stjóri Portsmouth, æfur á hliðarlínunni aðeins nokkrum mínútum síðar er Bishop var tekinn niður í teignum en ekkert dæmt.

Blackburn komst aftur í gírínn og tókst að gera út um leikinn á fimmtán mínútum.

Makhtar Gueye, Callum Brittain og Weimann skoruðu þrjú mörk til að tryggja Blackburn sigurinn.

Arnór Sigurðsson var ekki með Blackburn í dag vegna meiðsla, en hann það styttist þó í að hann verði klár í slaginn.

Blackburn er komið í 5. sæti deildarinnar með 42 stig á meðan Portsmouth er í næst neðsta sæti með 23 stig.