Þýski miðjumaðurinn Toni Kroos verður áfram hjá Real Madrid á næsta tímabili en hann hefur náð samkomulagi við félagið um að skrifa undir eins árs framlengingu á samningi sínum. Þetta segir Mundo Deportivo.
Kroos hefur verið lykill í mögnuðum árangri Real Madrid síðasta áratuginn en á tíma hans þar hefur hann unnið Meistaradeildina fjórum sinnum.
Samningur hans við Madrídinga rennur út í sumar og hefur legið undir feld síðustu mánuði.
Hann hefur ekki viljað skuldbinda sig hingað til en Mundo Deportivo segir að nú sé samkomulag í höfn.
Kroos, sem er 33 ára, mun framlengja samning sinn um eitt ár til viðbótar og hefur hann því frestað því að leggja skóna á hilluna.
Athugasemdir
