Newcastle hefur staðfest að Steve Bruce verður við stjórnvölinn þegar Newcastle mætir Tottenham á sunnudag. Bruce þykir ekki líklegur til að vera lengi í viðbót hjá Newcastle en nýir eigendur vilja fá inn nýjan stjóra.
Leikurinn á sunnudag verður þúsundasti leikur Bruce sem stjóri.
Leikurinn á sunnudag verður þúsundasti leikur Bruce sem stjóri.
„Það hefur verið mikið að gera í vikunni, við að kynnast fólki og það er brýnt að við höldum áfram að vera þolinmóð í okkar nálgun. Það næst ekki alltaf að gera breytingar á einni nóttu, þetta krefst tíma og við fylgjum okkar stefnu," sagði Amanda Staveley um stöðu mála hjá Newcastle.
„Ef við gerum einhverjar breytingar í framtíðinni þá verður Steve sá fyrsti til að vita af þeim. Þangað til þá óskum við honum góðs gengis í hans þúsundasta leik sem stjóri," sagði Staveley sem leiðir fjárfestingahópinn sem festi kaup á Newcastle.
Bruce er sextugur og hefur stýrt Newcastle frá árinu 2019.
Athugasemdir