Rashford spilaði bæði á hægri kanti og sem fremsti maður hjá Solskjær, en honum líður best að spila úti vinstra megin. Hinn 24 ára gamli Rashford hefur ekki náð að festa sig almennilega í einni stöðu og var til að mynda notaður sem vængbakvörður hjá Ralf Rangnick um daginn.

Fram kemur hjá Daily Mail að Rashford hafi farið til Solskjær og reynt að tala við hann um það af hverju hann væri ekki alltaf að spila í sinni uppáhalds stöðu.

Solskjær tók víst ekki vel í þetta hjá honum og sagði honum einfaldlega að hætta að væla.

Rashford hefur verið mikið gagnrýndur upp á síðkastið fyrir það hvernig hann hefur verið að spila og fyrir líkamstjáningu inn á vellinum. Það er oft á tíðum eins og hann sé í fýlu á vellinum.

Rashford hefur verið að gera frábæra hluti þar sem hann hefur lagt mikla vinnu í að hjálpa börnum í fátækt. Það ber að minnast á það, þó það gangi ekki vel inn á fótboltavellinum hjá honum í augnablikinu.