Dembele, sem er í augnablikinu að glíma við meiðsli, var sýndur í sjónvarpsútsendingunni frá leiknum og veltu margir því fyrir sér hvað hann væri að gera þarna.

Svarið er að Dembele er góður vinur eiganda Sunderland, Kyril Louis-Dreyfus. Þeir sátu saman í stúkunni.

Þeir eru jafnaldrar - báðir 25 ára - en Louis-Dreyfus er einn yngsti eigandinn í heimsfótboltanum. Dembele óskaði vini sínum til hamingju á samfélagsmiðlum þegar Sunderland komst upp í Championship-deildina, en hann fylgist greinilega nokkuð vel með félaginu.

Hver veit nema Dembele muni einhvern tímann spila með Sunderland á ferli sínum, en liðið er sem stendur í tólfta sæti deildarinnar.