Rúnar Páll þjálfari Stjörnumanna taldi jafntefli sanngjörn úrslit gegn Breiðabliki í Kópavoginum í kvöld.
"Þetta var skemmtilegur leikur, mikið af færum og fjöri og flottum markvörslum. Við skoruðum fallegt mark og svo gerði Höskuldur það líka, við gátum stolið þessu í blálokin þegar Guðmundur fær færi en við tökum þetta stig og svo er bara að halda áfram."
"Þetta var skemmtilegur leikur, mikið af færum og fjöri og flottum markvörslum. Við skoruðum fallegt mark og svo gerði Höskuldur það líka, við gátum stolið þessu í blálokin þegar Guðmundur fær færi en við tökum þetta stig og svo er bara að halda áfram."
Lestu um leikinn: Breiðablik 1 - 1 Stjarnan
Eftir bikarúrslitin þurftu Stjörnumenn að sækja sigur til að ná 3.sæti í stað þess að verja 4.sætið. Breyttist uppleggið eitthvað?
"Neinei, það breyttist ekkert uppleggið við fórum inn í þennan leik til þess að vinna hann, það var ekkert launungarmál. Auðvitað hefði verið skemmtilegt ef 4.sætið hefði dugað en það er ekki. Við eigum ennþá séns á 3.sætinu ef FH misstígur sig en ég er ekkert að sjá það gerast, ég held þeir klári sína leiki auðveldlega."
Er Rúnar farinn að horfa til næsta tímabils, verður hann áfram í Garðabænum miðað við sumarið.
"Við erum búnir að fá alltof fá stig í deildinni og duttum snemma út úr Mjólkurbikar. Við erum búin að fá á okkur 30 mörk sem er ekki gott og það hefur skilað sér í töflunni, ef þú ætlar að vinna titla þá þarftu að vera í kringum 20 mörk á þig.
Við erum ekki ánægð í Garðabænum, það þarf að gera betur. Breytingar hjá liðinu ræðum við bara eftir mót en ég verð að öllum líkindum áfram í Garðabænum, það er gott að vera þar."
Nánar er rætt við Rúnar í viðtalinu sem fylgir.
