Eggert Aron var eitt sinn lukkukrakki fyrir leik íslenska landsliðsins
Jóhann Berg Guðmundsson
Eggert Magnússon, fyrrum formaður KSÍ, birti skemmtilega mynd á Facebook-síðu sinni í gær en þar sýndi hann hina ótrúlegu hringrás fótboltans eins og spekingurinn Jóhann Már Helgason orðaði það á X.
Jóhann Már deildi myndinni sem Eggert birti á Facebook, en þar má sjá landsliðsmanninn Eggert Aron Guðmundsson í hlutverki lukkukrakka.
Hann stóð þar fyrir framan Jóhann Berg Guðmundsson, sem lék sinn 100. landsleik í 2-0 sigrinum á Aserbaídsjan á fimmtudag.
„Hinn eini sanni Eggert Magnússon birtir þessa mynd á gamla góða Facebook.
Þetta er frábær mynd af þeim Eggert Aroni og Jóa Berg, í henni kristallast hringrás fótboltans þar sem þeir eru núna samherjar í landsliðinu.,“ skrifaði Jóhann Már við færslu sína á X og birti myndina.
Það má til gamans geta að Eggert Aron er barnabarn Eggerts Magnússonar.
Ekki fylgdi með hvaða leikur þetta var en áætla má að þetta hafi verið fyrir 1-0 sigurinn á Kýpur í undankeppni EM 2012. Kolbeinn Sigþórsson skoraði sigurmarkið á 5. mínútu.
Hinn eini sanni Eggert Magnússon birtir þessa mynd á gamla góða Facebook.
— Jóhann Már Helgason (@Joimar) November 15, 2025
Þetta er frábær mynd af þeim Eggert Aroni og Jóa Berg, í henni kristallast hringrás fótboltans þar sem þeir eru núna samherjar í landsliðinu.
Fyrir þá sem ekki vita er Eggert Aron barnabarn Eggerts Magg. pic.twitter.com/E5wsMw3U0M
Athugasemdir
