Palace hefur ekki unnið leik síðan nýtt ár gekk í garð og tapaði 1-0 fyrir Brighton á miðvikudag, það var þriðja tap liðsins í röð.

Palace er í 12. sæti úrvalsdeildarinnar en er bara þremur stigum frá fallsæti. Bournemouth sem er í 18. sætinu á leik tið góða.

Vieira var ráðinn fyrir síðasta tímabil og Palace endaði í 12. sæti á hans eina heila tímabili við stjórnvölinn. Honum var hrósað fyrir að innleiða skemmtilegri sóknarbolta hjá liðinu.

Á þessu tímabili hefur Palace aðeins skorað 21 mark í 27 leikjum. Bara Wolves, Everton og botnlið Southampton hafa skorað færri mörk. Fyrir tapið gegn Brighton hafði Palace spilað þrjá leiki í röð án þess að eiga skot á markið.

Þrír af aðstoðarmönnum Vieira; Osian Roberts, Kristian Wilson og Said Aigoun, hafa einnig yfirgefið félagið.

Palace mætir Arsenal, fyrrum félagi Vieira, á sunnudaginn. Arsenal trónir á toppi deildarinnar.