Wirtz, sem er 20 ára gamall, er næsta stórstjarna Þýskalands, en hann er að eiga stórkostlegt tímabil með Leverkusen.

Um helgina skoraði hann þrennu er Leverkusen tryggði sér þýska deildarameistaratitilinn í fyrsta sinn í sögu félagsins.

Á tímabilinu hefur hann skorað 17 mörk og lagt upp 18 í 41 leik, en öll stærstu félög Evrópu eru að horfa til hans í sumar.

Leverkusen vill ekki missa þá leikmenn sem hafa náð þessum sögulega árangri undir stjórn Xabi Alonso og til að fæla félög frá hefur það sett 150 milljóna evra verðmiða á Wirtz.

Fernando Carro, framkvæmdastjóri Leverkusen, sagði í viðtali á dögunum að hann væri opinn fyrir því að selja Wirtz svo lengi sem félög séu reiðubúin að koma til móts við verðmiðann.

„Það er enginn óseljanlegur, en Wirtz fer ekki fyrir minna en 150 milljónir evra,“ sagði Carro við MARCA.

Hans-Joachim Wirtz, faðir Florian, segir leikmanninn ekkert vera að flýta sér í stærra félag og sé meira en tilbúin til að klára þau þrjú ár sem hann á eftir af samningi sínum í Leverkusen.