2. deild kvenna: Fjölnir vann á Álftanesi

Fjölnir vann sinn fyrsta leik í 2. deild kvenna í kvöld er liðið lagði Álftanes að velli, 2-1, á OnePlus-vellinum á Álftanesi.

Freyja Aradóttir og Emilía Lind Atladóttir gerðu mörk Fjölnis í fyrri hálfleiknum en Álftanes náði að minnka muninn þegar fimm mínútur voru eftir er Hrafnhildur Árnadóttir setti boltann í eigið net.

Seint í uppbótartíma fékk Anna María Bergþórsdóttir, leikmaður Fjölnis, að líta tvö gul spjöld og þar með rautt. Allt á innan við mínútu.

Rauða spjaldið kom ekki að sök. Fjölnir náði í fyrsta sigur sinn í deildinni en Álftanes er án stiga eftir tvo leiki.