Fótbolti.net

Stór stund fyrir Söndru Maríu - „Hún elskar að vera hérna"

„Var að reka á eftir hlutum sem hún á ekkert að vera að reka á eftir“

Thelma eftir fyrsta landsliðsmarkið: Ég er smá fúl samt

Talar um „ógeðslegan leik" - Þarf betri ramma um nýju reglurnar

Sara ræðir heimkomuna - „Var í Lyon þegar Dóri spyr mig fyrst hvort ég sé að koma heim“

Sævar Atli ræðir brottrekstur Freys - „Fengum ekki að kveðja hann“

Erfitt að finna betri stað til að búa á en skoðar sína möguleika

Glódís afhjúpar hver stal senunni í nýliðavígslunni

Steini: Hennar að sýna að hún sé klár í að leysa þetta

„Ótrúlegt en satt að þetta nákvæmlega hafi komið upp"

Óvissa eftir geggjaðan tíma - „Tíu skref á milli okkar“

Draumurinn frá fimm ára aldri

„Alltaf mikill heiður að sjá nafnið mitt á þessu skjali"

Steig inn þegar markvörðurinn fór til Liverpool - „Lífið er geðveikt"

Karólína nýtur sín í æðislegri borg - „Smá Ítalí í mér"

18 ára að festa sig í sessi - „Þarf að drífa mig upp á herbergi að plana atriði"

Orðsporið farið stækkandi í Svíþjóð - „Þetta er annað heimili mitt"

Átti að vera árið hans Sölva - „Víkingur væri að berjast í efri hlutanum í Superligunni"

Ætlar að berjast við Árna um stöðuna - „Þurfti aðeins að klípa mig“

Venni: Fótboltinn breytist ekkert þó ég kaupi einhverja menn eða við spilum með ákveðnum hætti

lau 18. mars 2023 18:34

Sæbjörn Þór Þórbergsson Steinke

Arnar Grétars: Ástæðan fyrir því að við erum ekki að fá á okkur mörk

Arnar Grétarsson

Mynd: Fótbolti.net - Hafliði Breiðfjörð

Birkir Heimisson skoraði sigurmarkið í dag.

Mynd: Fótbolti.net - Jónína Guðjörg Guðbjartsdóttir

Valur vann í dag 1-0 sigur á Víkingi í undanúrslitum Lengjubikarsins. Þegar þetta er skrifað er ljóst að Arnar Grétarsson, þjálfari Vals, mun mæta sínum fyrrum lærisveinum í KA þegar úrslitaleikurinn fer fram þann 30. mars því KA lagði ÍBV í seinni undanúrslitaleiknum.

Rætt var við Arnar eftir sigurinn á Víkingsvelli í dag.

Lestu um leikinn: Víkingur R. 0 - 1 Valur

„Mér fannst þetta góður leikur tveggja góðra liða. Víkingur var meira með boltann en mér fannst þeir ekki skapa mikið af færum. Við vorum þéttir og alltaf hættulegir þegar við erum fljótir að sækja fram. Þetta hefði alveg getað fallið þeirra megin en ég átti alveg eins von á þetta myndi fara bara í vító, leit þannig út, en fínt að fá þetta mark og alltaf gott að halda hreinu," sagði Arnar.

Valur hefur ekki fengið á sig mark í Lengjubikarnum hingað til.

„Mér finnst vera stígandi í þessu alveg frá byrjun og það er bara jákvætt, en við erum ekki að missa okkur eitt eða neitt. Við höfum alveg séð lið standa sig vel í þessari keppni og svo átt erfitt uppdráttar í Bestu deildinni. Við tökum bara eitt skref í einu, alltaf gaman að komast í úrslitaleik, við viljum vinna þessa keppni og svo tekur önnur keppni við."

„Það sem ég er ánægður að sjá er vinnusemin, um leið og við töpum bolta þá er sett pressa og reynt að vinna boltann til baka. Ef það gengur ekki þá koma menn sér aftur fyrir boltann. Þegar það er í lagi þá er alltaf erfitt að spila á móti slíkum liðum. Það er í raun ástæðan fyrir því að við erum ekki að fá á okkur mörk. Frá fremsta manni til afstasta, það eru allir að vinna og það er algjört lykilatriði ef þú ætlar að ná einhverjum árangri."

Framundan er æfingaferð hjá Val. „Þú vilt slípa hópinn saman, getur fengið að æfa við góðar aðstæður og menn að hvíla sig. Við erum líka saman, náum að þétta hópinn. Við hlökkum til að komast til Tenerife úr kuldanum, þar eru 25 gráður. Æðislegt að geta verið þar í tíu daga, komið svo heim og spilað úrslitaleikinn," sagði Arnar.

Viðtalið við Arnar er talsvert lengra. Hann er þar spurður út í leikmenn sem eru fjarverandi, Kristófer Jónsson og ýmislegt fleira.