„Fjölnir er með sterkt og gott lið en við viljum samt fá þrjú stig og þá sérstaklega heima en eitt stig er líka gott," sagði Dragan Stojanovic þjálfari Dalvíkur/Reynis eftir markalaust jafntefli við Fjölni í Lengjudeild karla í dag.
Lestu um leikinn: Dalvík/Reynir 0 - 0 Fjölnir
„Við fengum eitt-tvö mjög góð færi og fengum annað eins af hálffærum. Við hefðum alveg geta skorað mark og fengið stigin þrjú en Fjölni er með gott lið og þetta voru sanngjörn úrslit í dag."
Það sem af er mótinu hefur Dalvík/Reynir unnið einn, gert eitt jafnveli og tapað einum í fyrstu þremur leikjum Lengjudeildarinnar.
„Þetta er flott, það má ekki gleyma að okkur var spáð 12. sæti. Ég er ánægður eftir þessa þrjá leiki, það var auðvitað sigur í fyrsta leiknum (gegn ÍBV), og þetta var líka fínt í dag en 3-0 tapið gegn Njarðvík er ég mjög ósáttur við. Það var alltof stórt tap. Fjögur stig eftir þrjár umferðir er bara fínt. Við sjáum líka að liðin sem var spáð upp eða í fyrstu fjórum sætunum eru með jafnmörg stig og við. Þetta er því allt í lagi."
Dalvík/Reynir er tiltölulega nýlega búið að ná öllum hópnum sínum saman og liðið er því enn að ná saman. Eigum við enn eftir að sjá besta Dalvíkurliðið í sumar?
„Já, ég vona það. Við eigum nokkra leikmenn sem spiluðu síðast í desember alvöru leik. Okkur vantar 3-4 leiki í viðbót til að ná þeim saman."
Athugasemdir
