Manchester United íhugar að gera tilboð í Adam Wharton (21), enska miðjumanninn hjá Crystal Palace. (Talksport)

Inter hefur hafnað 50 milljóna evra (43 milljóna punda) tilboði frá Chelsea í ítalska varnarmanninn Alessandro Bastoni (26). (La Gazzetta dello Sport)

Xavi Simons (22), miðjumaður RB Leipzig og hollenska landsliðsins, hefur sagt félaginu að hann vilji færa sig um set til Chelsea, þrátt fyrir áhuga frá Bayern München og Manchester City. (ESPN)

AC Milan vill ganga frá 35 milljóna evra (30,2 milljóna punda) samningi um kaup á danska framherjanum Rasmus Höjlund (22) hjá Manchester United. Milan skoðar einnig serbneska framherjann Dusan Vlahovic (25) hjá Juventus sem valkost. (La Gazzetta dello Sport)

Enski bakvörðurinn Rico Lewis (20) segist ekki hafa neina áform um að yfirgefa Manchester City þrátt fyrir áhuga frá Nottingham Forest. (Mail)

Kamerúnski markvörðurinn Andre Onana (29) var ekki í byrjunarliði Manchester United gegn Arsenal í fyrsta deildarleik félagsins, en félagið íhugar óvænt skref til að endurheimta spænska markvörðinn David de Gea (34) frá Fiorentina. (Sun)

Manchester United hefur gert misheppnaðar tilraunir til að fá Emiliano Martínez (32) frá Aston Villa og Gianluigi Donnarumma (26) hjá Paris Saint-Germain. Félagið hefur ákveðið að nota fjármagn sitt til að styrkja sig í öðrum stöðum. (Telegraph)

Launakröfur Jadon Sancho (25) eru hindrun fyrir Roma sem vill fá hann frá Manchester United. Hann fær um 250 þúsund pund á viku. (Teamtalk)

Roma hefur einnig haft samband við Manchester United vegna hollenska vinstri bakvarðarins Tyrell Malacia (26) sem einnig er á óskalista Besiktas. (Fabrizio Romano)

Atalanta vonast til að ganga frá 40 milljóna evra (34,5 milljóna punda) samkomulagi við Fulham um brasilíska framherjann Rodrigo Muniz (24) í dag. (Teamtalk)

Franski framherjinn Randal Kolo Muani (26) hefur samþykkt launalækkun til að ganga til liðs við Juventus frá Paris Saint-Germain. Samkomulagið er upp á 60 milljóna evra (51,8 milljóna punda). (Corriere dello Sport)

Tottenham íhugar að gera tilboð í japanska vængmanninn Takefusa Kubo (24) hjá Real Sociedad til að styrkja sóknarvalkosti sína. (Fichajes)

Burnley og Sunderland sýna áhuga á brasilíska miðverðinum Gabriel Pereira (25) hjá FC Kaupmannahöfn. (Teamtalk)

Arsenal er tilbúið að stökkva á miðjumanninn Frenkie de Jong (28) hjá Barcelona, en samningur hollenska landsliðsmannsins rennur út næsta sumar. (Fichajes)