Kjartan Henry.
„Við erum bara the entertainers. Ég held að allir sem komu á þennan leik hafi fengið helling fyrir peninginn, bæði hérna og í seinasta leik. Ánægjulegt að ná að tengja saman tvo sigra, líka hvernig við vinnum leikinn. Sterkt að skora 5 mörk en að sjálfsögðu hefðum við ekki viljað hafa þetta svona spennandi í lokin. Skiptir ekki máli núna því við unnum leikinn og ég er ánægður með það.“ sagði Kjartan Henry eftir 5-4 sigur á Breiðablik í dag.
Lestu um leikinn: Breiðablik 4 - 5 FH
„Mér fannst við vera betri aðilinn í fyrri hálfleik. Förum inn í hálfleikinn undir sem var gríðarlega fúlt en gríðarlega sterkt hvernig við komum út í seinni hálfleikinn. Það er stuð og stemning inni í klefanum núna.“
Sagðir þú við Braga að skora með sinni fyrstu snertingu þegar hann kom inn á og setja svo strax annað mark?
„Já.“
Ánægjulegt að hafa sýnt ykkur það og öllum öðrum að þið getið unnið á gervigrasi?
„Það þarf ekkert að sýna okkur það, maður er var við umræðuna þetta var það fyrsta sem ég var spurður að fyrir leikinn. Ég er ánægður að við náðum að þagga niður í því. Við æfðum bróðurpartinn af árinu á gervigrasi, æfum á gervigrasi vikuna sem við spilum á gervigrasi. Ég nenni ekki að pæla í þessu, við sýndum góðan leik og FH var ekki að fara að tapa fyrir Breiðablik tvo daga í röð.“
Var komið eitthvað stress undir lokin eða varstu ánægður með að hafa haldið þetta út?
„Ég er ánægður að við náðum að halda þetta út en ég væri að ljúga að þér ef ég sagði að ég væri ekki stressaður. Þetta voru langar síðustu mínútur, ánægður að hafa unnið en ég er fúll að hafa fengið þessi mörk á okkur. Ég hefði frekar viljað vinna 5-2 en 5-4. Það segir sig sjálft. Þrjú stigin skipta okkur máli og ég vona að þau gefi okkur kraft í komandi leikjum.“
Viðtalið við Kjartan má sjá í heild sinni í spilaranum hér að ofan.
Athugasemdir
