Fótbolti.net

Kristian mætir funheitur í kanadíska kuldann - „Það besta sem maður gerir“

Aron Einar fann fyrir áhyggjum og hræðslu sinna nánustu - „Óþægilegt að vera í landi þar sem eru sprengingar“

Lúðvík ánægður að fá traustið: Riðillinn er galopinn

Gísli Gotti: Átti gott samtal við Arnar

Daníel Tristan hreinskilinn: Hún hefur alveg verið betri

Viktor Bjarki: Geggjað að sjá nafnið en pæli ekki mikið í þessu

Júlíus Mar: Hausinn vildi fara út

„Menn þurfa að vera á tánum til að spila í Víkingstreyjunni“

„Enginn sem óskar sér þess að mæta Víkingi“

Gæðastjórinn ætlar að reikna út xF

Birkir Már: Hefði sagt takk en nei takk væri hann ekki þarna

Víkingar unnu FH og Stjörnuna í dag - „Gera mér virkilega erfitt fyrir að velja í liðið“

Jökull: Yrði mjög sérstakt ef við myndum breyta einhverju þar

Heimir: Vel mannaðir, með frábæran þjálfara og ætla sér stóra hluti

Óskar Hrafn: Hef fullan skilning á því að okkur sé spáð 6. sæti

„Flottasta treyja sem við höfum spilað í"

„Fór frá því að spila yfir í það að mega ekki vera með á æfingum“

Sölvi: Teljum okkur vera með þannig hóp í ár

Stærsti samningur í sögu Víkings

Gylfi vonast til að vera mættur til að vera í landsliðinu - „Vonandi sem lengst“

sun 17. ágúst 2025 21:01

Elvar Geir Magnússon

Sölvi: Fæ aftur þá tilfinningu að lífið sé gott

Sölvi gat heldur betur fagnað í kvöld.

Mynd: Fótbolti.net - Hafliði Breiðfjörð

„Þetta var virkilega þungt og erfitt út í Köben en það er frábært að það sé stutt á milli leikja. Nú fær maður þá tilfinningu aftur að lífið sé gott því það var mjög svart yfir manni eftir Danmerkurferðina," segir Sölvi Geir Ottesen, þjálfari Víkings, eftir 1-0 útisigur gegn ÍA.

Víkingur fékk alvöru skell gegn Bröndby í forkeppni Sambandsdeildarinnar á fimmtudag og Sölvi er ánægður með svarið frá sínu lið i.

Lestu um leikinn: ÍA 0 - 1 Víkingur R.

„Við þurfum að nýta þessar tilfinningar sem við vorum að ganga í gegnum sem kraft í þennan leik og mér fannst við gera það."

Undir okkur komið núna
Þetta er góður dagur fyrir Víking því keppinautar þeirra misstigu sig, Valur tapaði illa í Eyjum og Breiðablik er að tapa gegn FH þegar þessi orð eru skrifuð.

„Úrslitin í dag setja okkur í þá stöðu að þetta er undir okkur komið núna. Ef við klárum okkar þá munum við enda á toppnum, sem er markmiðið okkar. Það var hungur í mönnum í dag og menn voru vel stilltir."

„Ég lagði mun minna í taktík fyrir þennan leik. Mér var nokkurn veginn sama hvernig við myndum vinna þetta, ég vildi bara viðbrögð frá liðinu og sigur. Þetta var torsóttur sigur en sanngjarn."

Pálmi staðið sig hrikalega vel
Í viðtalinu fer Sölvi yfir ástæðuna fyrir þeim breytingum sem hann gerði á byrjunarliðinu en athygli vakti að Ingvar Jónsson var kominn aftur í markið eftir að Pálmi Rafn Arinbjörnsson hefur staðið milli stanganna undanfarnar vikur. Sölvi vill þó ekkert gefa upp hvort Ingvar sé kominn til að vera í markinu.

„Ef við horfum á mörkin sem við fáum á okkur á móti Bröndby þá eru þau ekki skrifuð á Pálma. Pálmi hefur staðið sig hrikalega vel en stundum henta leikir öðrum þeirra betur. Það er eitthvað 'tabú' að skipta út markverðinum en ég er virkilega sáttur við frammistöðu Pálma. Ég get ekki sett út á hann í þessum mörkum. Pálmi fékk sitt móment og svo sjáum við hvernig framhaldið verður," segir Sölvi Geir Ottesen.