Enska úrvalsdeildarfélagið Brighton ætlar ekki að selja kamerúnska miðjumanninn Carlos Baleba í janúarglugganum og kemur aðeins til greina að leyfa honum að fara eftir tímabilið.
Manchester United hafði áhuga á því að fá Baleba í sumar en Rauðu djöflarnir töldu verðmiðann of háan.
Samkvæmt ensku miðlunum var Brighton opið fyrir viðræðum ef tilboð sem nemur um 115 milljónum bærist í hann.
talkSPORT segir að Man Utd hafi enn áhuga á Baleba, en Brighton neitar að selja hann í janúar. Því er Man Utd að hallast frekar að Adam Wharton, leikmanni Crystal Palace.
Frammistaða Baleba í byrjun tímabils gaf sterklega til kynna að áhugi Man Utd í sumar hafi haft áhrif á spilamennsku hans, en hann hefur bætt leik sinn töluvert í síðustu leikjum.
Liverpool hefur einnig verið sagt áhugasamt um Baleba, en hvort félagið sé reiðubúið að punga út meira en 100 milljónum punda í þriðja leikmanninn á innan við ári verður að fá að koma í ljós.
Athugasemdir
