Arthur, miðjumaður Juventus, hefur spilað með bæði Cristiano Ronaldo og Lionel Messi en hann hefur nú útskýrt hver munurinn á þeim sé sem leiðtogar liða sinna.
„Þeir eru báðir frábærir leiðtogar en þeir sýna það á mismunandi hátt," sagði þessi fyrrverandi leikmaður Barcelona þegar hann var spurður út í þessa tvo mögnuðu leikmenn.
„Leo talar ekki mikið. En hann lætur vita af sér á vellinum með sýnum gæðum og löngun til að vera leiðtogi."
„Ronaldo talar hins vegar mjög mikið og lætur í sér heyra í klefanum. Hann vill mjög augljóslega fá boltann og skora mörk."
„Það er mjög erfitt að velja á milli þessara tveggja leikmanna því þeir eru frábærir. En ég vel Ronaldo."
Athugasemdir