Fótboltafréttamaðurinn mikilsvirti Fabrizio Romano greinir frá því að Napoli sé við það að ráða Francesco Calzona sem nýjan aðalþjálfara liðsins.
Walter Mazzarri þjálfar liðið sem stendur en gæti verið rekinn í dag til að koma Calzona að fyrir viðureign liðsins gegn Barcelona í 16-liða úrslitum Meistaradeildar Evrópu.
Calzona verður þá þriðji þjálfarinn sem Napoli ræður til sín á tímabilinu, eftir Rudi Garcia og Mazzarri.
Mazzarri tók við af Garcia í nóvember og hefur því aðeins verið rétt rúma þrjá mánuði í starfinu.
Calzona er 55 ára gamall og starfaði sem aðstoðarþjálfari hjá Napoli frá 2015 til 2018 og sem tæknilegur þjálfari hjá félaginu tímabilið 2021-22.
Hann var ráðinn sem landsliðsþjálfari Slóvakíu í kjölfarið og hefur gert frábæra hluti þar. Slóvakía var í undanriðli með Íslandi fyrir EM í Þýskalandi og tryggði sér þátttökurétt á mótinu með því að ná í 22 stig úr 10 leikjum, þar sem einu tapleikir liðsins komu gegn Portúgal sem fór í gegnum undanriðilinn með fullt hús stiga.
Óljóst er hvort Calzona muni yfirgefa slóvakíska landsliðið strax eða stýra því á EM í sumar.
Marek Hamsik mun vera partur af þjálfarateymi Calzona hjá Napoli, en hann er goðsögn bæði í Slóvakíu og í Napolí.
Napoli hefur gengið hrikalega illa á nýju tímabili eftir að hafa unnið langþráðan Ítalíumeistaratitil í fyrra. Aurelio De Laurentiis eigandi Napoli rak Luciano Spalletti þjálfara eftir síðustu leiktíð og hefur átt í miklum vandræðum með að finna verðugan arftaka.
Napoli er í níunda sæti ítölsku deildarinnar, með 36 stig eftir 24 umferðir. Meistararnir eru níu stigum á eftir Atalanta sem situr í síðasta meistaradeildarsætinu.
Stöðutaflan
Ítalía
Serie A - karlar
Ítalía
Serie A - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Inter | 29 | 22 | 2 | 5 | 65 | 23 | +42 | 68 |
| 2 | Milan | 29 | 17 | 9 | 3 | 44 | 21 | +23 | 60 |
| 3 | Napoli | 29 | 18 | 5 | 6 | 45 | 30 | +15 | 59 |
| 4 | Como | 29 | 15 | 9 | 5 | 48 | 22 | +26 | 54 |
| 5 | Juventus | 29 | 15 | 8 | 6 | 51 | 28 | +23 | 53 |
| 6 | Roma | 29 | 16 | 3 | 10 | 39 | 23 | +16 | 51 |
| 7 | Atalanta | 29 | 12 | 11 | 6 | 40 | 27 | +13 | 47 |
| 8 | Bologna | 29 | 12 | 6 | 11 | 38 | 34 | +4 | 42 |
| 9 | Lazio | 29 | 10 | 10 | 9 | 29 | 28 | +1 | 40 |
| 10 | Sassuolo | 29 | 11 | 5 | 13 | 35 | 39 | -4 | 38 |
| 11 | Udinese | 29 | 10 | 6 | 13 | 33 | 42 | -9 | 36 |
| 12 | Parma | 29 | 8 | 10 | 11 | 21 | 36 | -15 | 34 |
| 13 | Genoa | 29 | 8 | 9 | 12 | 36 | 40 | -4 | 33 |
| 14 | Torino | 29 | 9 | 6 | 14 | 32 | 50 | -18 | 33 |
| 15 | Cagliari | 29 | 7 | 9 | 13 | 31 | 41 | -10 | 30 |
| 16 | Lecce | 29 | 7 | 6 | 16 | 21 | 39 | -18 | 27 |
| 17 | Fiorentina | 28 | 5 | 10 | 13 | 30 | 42 | -12 | 25 |
| 18 | Cremonese | 28 | 5 | 9 | 14 | 22 | 40 | -18 | 24 |
| 19 | Pisa | 29 | 2 | 12 | 15 | 23 | 49 | -26 | 18 |
| 20 | Verona | 29 | 3 | 9 | 17 | 22 | 51 | -29 | 18 |
Athugasemdir
