Aleksander Ceferin, forseti UEFA, lét Andrea Agnelli formann Juventus og Ed Woodward, framkvæmdastjóra Manchester United, heyra það á fréttamannafundi í dag.

Ceferin er brjálaður yfir því að tólf stór félög í Evrópu ætla að hætta í Meistardeildinni og stofna nýja Ofurdeild.

„Ég hef aldrei séð neinn ljúga eins oft og hann. Ég ræddi við hann á laugardagskvöld og hann sagði að fréttirnar (um Ofurdeild) væru allar lygi. Græðgi lætur öll mannleg gildi hverfa," sagði Ceferin um Agnelli.

Umræður hafa verið í gangi um að gera breytingar á Meistaradeildinni og Woodward hafði sýnt þeim stuðning.

„Ég var lögfræðingur fyrir glæpamenn í 24 ár en ég hef aldrei séð fólk haga sér svona," sagði Ceferin um Woodward. „Hann hringdi í mig á fimmtudaginn til að segja mér að hann væri sáttur við endurbæturnar og að hann sýndi þeim fullan stuðning. Hann skrifaði síðan undir eitthvað annað."

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit