Einar Logi Einarsson, leikmaður ÍA, reyndist hetja Skagamanna í kvöld í 1-0 sigri gegn Breiðablik í Pepsi Max-deild karla í kvöld. Mark Einars Loga kom undir loka leiksins.

„Við vorum búnir að vera drulluþéttir. Við getum varist í 90 mínútur, það er ekkert mál, svo skorum við eitt mar eftir fast leikatriði og það þarf ekki meira en það." sagði Einar Logi eftir leikinn.

Lestu um leikinn: Breiðablik 0 -  1 ÍA

Leikurinn var ekki mikið fyrir augað og voru varnir beggja liða mjög þéttar og var því voða lítið um marktækifæri.

„Við erum þéttir og getum varist auðveldlega. Við erum í góðu formi og getum hlaupið eins og skepnur. Okkur finnst það bara gaman."

Skagamenn hafa farið frábærlega af stað í þessu Íslandsmóti og tróna á toppnum með 13 stig eftir fimm umferðir.

„Við förum í alla leiki til að vinna þá og erum efstir núna. Hvað gerist í framhaldinu verður bara að koma í ljós" sagði Einar að lokum.

Nánar er rætt við Einar í spilaranum að ofan.

Tweet

Senda a Facebook Hafdu samband Senda frétt Prenta frétt Frétta leit