Niðurstaðan var markalaust jafntefli þegar Fram og Njarðvík áttust við í Inkasso-deild karla í dag.

Þetta var mjög tíðindalítill leikur og var fátt um færi.

„Steindautt Jafntefli niðurstaða. Þessi leikur fer seint í sögubækur fyrir skemmtanagildi," sagði Stefán Marteinn Ólafsson þegar hann lauk textalýsingu sinni frá Laugardalsvelli.

Þetta var eini leikur dagsins í Inkasso-deildinni.

Hvað þýða þessi úrslit?
Fram er með 21 stig í sjötta sæti deildarinnar en þetta er mikilvægt stig fyrir Njarðvík sem er núna í áttunda sæti með 17 stig, þremur stiogum frá fallsæti.