Gian Piero Gasperini, þjálfari Atalanta, er allt annað en sáttur með landsleikjafyrirkomulagið eftir að Duvan Zapata meiddist í æfingaleik gegn Síle í hlénu.
Zapata, sem er búinn að skora fjögur mörk í síðustu fjórum leikjum Atalanta, verður frá fram í nóvember vegna meiðslanna. Hann var markahæstur hjá liðinu í fyrra með 23 mörk í 37 deildarleikjum og er kominn með 6 mörk í 7 leikjum á nýrri leiktíð.
„Ég blótaði meðan ég horfði á leikinn. Það er óþolandi þegar félagslið þurfa að gjalda fyrir meiðsli sem koma fyrir leikmenn í tilgangslausum æfingaleikjum. Leikmenn eru neyddir til að ferðast og spila tvo leiki á tæpum tveimur vikum, allt til einskis," sagði Gasperini.
„Þessir leikir eru algjörlega tilgangslausir hvernig sem á þá er litið. Svo horfir enginn á þá í þokkabót. Þetta er algjör vitleysa, það gengur ekki að stoppa deildartímabilin þrisvar sinnum á þremur mánuðum. Það væri betra að hafa eina langa pásu.
„Ég býst við að Muriel fylli í skarðið. Hann þarf að nýta færin sín og vera uppá sitt besta enda hefur hann verið að glíma við eitnabólgu og hnémeiðsli. Hann spilaði líka í landsleikjahlénu."
Luis Muriel er samherji Zapata hjá kólumbíska landsliðinu og Atalanta. Hann er kominn með 3 mörk í 5 deildarleikjum.
Atalanta heimsækir Lazio í hörkuleik í dag sem verður sýndur beint á Stöð 2 Sport 3. Liðin munu líklegast vera í Evrópubaráttunni undir lok tímabilsins en Atalanta er að leika í riðlakeppni Meistaradeildarinnar í fyrsta sinn í ár.
Stöðutaflan
Ítalía
Serie A - karlar
Ítalía
Serie A - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Inter | 36 | 27 | 4 | 5 | 85 | 31 | +54 | 85 |
| 2 | Napoli | 35 | 21 | 7 | 7 | 52 | 33 | +19 | 70 |
| 3 | Juventus | 36 | 19 | 11 | 6 | 59 | 30 | +29 | 68 |
| 4 | Roma | 36 | 21 | 4 | 11 | 55 | 31 | +24 | 67 |
| 5 | Milan | 36 | 19 | 10 | 7 | 50 | 32 | +18 | 67 |
| 6 | Como | 36 | 18 | 11 | 7 | 60 | 28 | +32 | 65 |
| 7 | Atalanta | 36 | 15 | 13 | 8 | 50 | 34 | +16 | 58 |
| 8 | Lazio | 36 | 13 | 12 | 11 | 39 | 37 | +2 | 51 |
| 9 | Udinese | 36 | 14 | 8 | 14 | 45 | 46 | -1 | 50 |
| 10 | Bologna | 35 | 14 | 7 | 14 | 42 | 41 | +1 | 49 |
| 11 | Sassuolo | 36 | 14 | 7 | 15 | 44 | 46 | -2 | 49 |
| 12 | Torino | 36 | 12 | 8 | 16 | 41 | 59 | -18 | 44 |
| 13 | Parma | 36 | 10 | 12 | 14 | 27 | 45 | -18 | 42 |
| 14 | Genoa | 36 | 10 | 11 | 15 | 40 | 48 | -8 | 41 |
| 15 | Fiorentina | 36 | 8 | 14 | 14 | 38 | 49 | -11 | 38 |
| 16 | Cagliari | 36 | 9 | 10 | 17 | 36 | 51 | -15 | 37 |
| 17 | Lecce | 36 | 8 | 8 | 20 | 24 | 48 | -24 | 32 |
| 18 | Cremonese | 36 | 7 | 10 | 19 | 30 | 53 | -23 | 31 |
| 19 | Verona | 36 | 3 | 11 | 22 | 24 | 58 | -34 | 20 |
| 20 | Pisa | 36 | 2 | 12 | 22 | 25 | 66 | -41 | 18 |
