Dortmund-menn reyna að setja pressu á Þýskalandsmeistara Bayern München í titilbaráttunni.

Julian Brandt skoraði fyrir Dortmund á 38. mínútu, en Grikkinn Kostas Koulierakis jafnaði á 52. mínútu eftir stoðsendingu Christian Eriksen.

Þremur mínútum fyrir lok venjulegs leiktíma tókst Gíneu-manninum Serhou Guirassy að tryggja Dortmund dýrmætan sigur, en Dortmund er aðeins þremur stigum frá toppliði Bayern.

St. Pauli vann óvæntan 3-1 sigur á Stuttgart. Manolis Saliakas og vítaspyrnumark frá Daniel Sinani kom St. Pauli í 2-0 áður en Jamie Leweling skoraði sárabótarmark fyrir Stuttgart undir lok leiksins.

Tíu leikmenn Freiburg unnu Werder Bremen 1-0. Vængbakvörðurinn Jan-Niklas Beste skoraði sigurmarkið með stórkostlegu skoti eftir hraða skyndisókn á 13. mínútu.

Johan Manzambi, leikmaður Freiburg, sá beint rautt snemma í síðari hálfleiknum, en það hafði ekki áhrif á heimamenn sem komu boltanum í annað sinn í netið í gegnum Yuito Suzuki. Markið var hins vegar dæmt af vegna brots í aðdragandanum.

Tíu menn Freiburg létu það ekki á sig fá og náðu að halda út, en Freiburg er í 7. sæti með 30 stig, fimm stigum frá Evrópusæti á meðan Bremen er í fallsæti með 19 stig.

Úrslit og markaskorarar:

St. Pauli 2 - 1 Stuttgart
1-0 Manolis Saliakas ('35 )
2-0 Danel Sinani ('55 , víti)
2-1 Jamie Leweling ('90 )

Heidenheim 0 - 2 Hamburger
0-1 Ransford Konigsdorffer ('45 )
0-2 Rayan Philippe ('78 )

Wolfsburg 1 - 2 Borussia D.
0-1 Julian Brandt ('38 )
1-1 Konstantinos Koulierakis ('52 )
1-2 Serhou Guirassy ('87 )

Freiburg 1 - 0 Werder
1-0 Niklas Beste ('13 )
Rautt spjald: Johan Manzambi, Freiburg ('52)

Mainz 2 - 0 Augsburg
1-0 Nadiem Amiri ('8 , víti)
2-0 Nadiem Amiri ('79 , víti)