Joey Gibbs var á skotskónum í dag
„Leiknir er með mjög gott lið og þeir færa boltann mjög vel. En þetta var alvöru varnarvakt hjá okkur en það er jákvætt að við erum að verjast mun betur en við gerðum í upphafi leiktíðar sem ég held að sé lykillinn að árangri fyrir liðið," sagði markaskorari Keflavíkur Joey Gibbs aðspurður um leikinn eftir sigur Keflavíkur gegn Leikni á HS-Orkuvellinum fyrr í kvöld.
Lestu um leikinn: Keflavík 1 - 0 Leiknir R.
Gibbs sem skoraði ekki framan af móti hefur verið heitur fyrir framan markið að undanförnu og er kominn með 5 mörk í deildinni.
„Ég er búinn að vera framherji lengi og þetta gerist. Maður fer í gegnum þurrkatímabil en ég reyni bara að einbeita mér að grunnatriðum leiksins, að halda boltanum uppi og alla þessa litlu hluti. Mér fannst ég fara ágætlega af stað en mörkin voru bara ekki að koma en ég er með góða leikmenn í kringum mig sem að skapa færi fyrir mig og ég er viss um að það mun halda áfram. “
Joey var að lokum spurður hvort spilarar í Draumaliðsdeild Eyjabita sem hafa losað sig við hann úr liði sínu ættu að setja hann aftur í lið sitt.
„Já klárlega veljið mig sem fyrirliða.“
Sagði Joey léttur en allt viðtalið má sjá hér að ofan
