„Bara mjög vel, við ætluðum að mæta grimmar til leiks og þá sérstaklega eftir að hafa tapað seinustu leikjum. Þá ætluðum við okkar að klára þennan sigur í kvöld", sagði Jelena Tinna strax eftir leik þegar Þróttakonur gerðu góða ferð í Úlfarsárdalinn og hirtu stiginn þrjú.
Þróttur tapaði fyrsta leiknum sínum í deildinni í síðustu viku gegn Stjörnunni og þar á undan datt liðið út úr Mjólkurbikarnum. Stelpurnar í Þrótti mættu grimmar til leiks og ætluðu sér ekki að tapa þremur leikjum í röð.
Þróttur tapaði fyrsta leiknum sínum í deildinni í síðustu viku gegn Stjörnunni og þar á undan datt liðið út úr Mjólkurbikarnum. Stelpurnar í Þrótti mættu grimmar til leiks og ætluðu sér ekki að tapa þremur leikjum í röð.
Lestu um leikinn: Fram 1 - 3 Þróttur R.
Þetta var kveðjustund Caroline Murray sem spilaði sinn síðast leik fyrir Þrótt í bili, en hún heldur út til bandaríkjanna.
„Hún er búin að vera gríðarlega góður karakter, geggjað að hafa hana í hópnum. Það verður mjög leiðinlegt að missa hana, en það kemur önnur í staðin. Vonandi verður hún bara jafngóð og við tökum vel á móti henni"
„Mér líður mjög vel, það var kominn tími. Við vorum allar góðar og við þurftum að vera á tánum því að hún ( Murielle ) er gríðarlega góður leikmaður. Það skiptir miklu máli að fylgjast alltaf með hvar hún er. Við gerðurm það svo sannarlega mjög vel allar saman", bætti Jelena við um markið sem hún skoraði og mikilvægi þess að hafa góðar gætur á Murielle Tiernan í leiknum.
Jelena Tinna átti frábæran leik í kvöld og á skilið sérstakt hrós fyrir yfirvegun sína og ró í vörninni. Hún lét pressuna aldrei trufla sig, hvorki í sendingum né ákvarðanatöku, og spilaði nánast fullkominn leik í sterkri vörn Þróttar.
Athugasemdir
