„Ég hélt ég væri búinn að koma fram fyrir hann og skýla honum, en hann náði einhvern veginn að kasta sér fyrir boltann. Ég skil ekki hvernig hann endaði inni, en sem betur fer náði maður að koma til baka og sýndi karakter og svo setja eitt mark í seinni hálfleik", sagði Örvar Logi bakvörðurinn knái um markið sem kom gestunum í 1-0.
Örvar Logi bætti þó heldur betur upp fyrir mistökin með marki og stoðsendingu seinna í leiknum sem tryggði Stjörnunni 4-2 sigur í 8-liða úrslitum Mjólkurbikarsins.
Örvar Logi bætti þó heldur betur upp fyrir mistökin með marki og stoðsendingu seinna í leiknum sem tryggði Stjörnunni 4-2 sigur í 8-liða úrslitum Mjólkurbikarsins.
Lestu um leikinn: Stjarnan 4 - 2 Keflavík
„Ég var bara að einbeita mér að halda honum niðri, sem betur fer gékk það. Ég bara smellhitti hann greinilega, sem betur fór hann ekki í neinn og söng bara í netinu. Það var fallegt að sjá það.
Þetta er einum of gaman til að vera ekki að gera þetta oftar. Maður þarf að fara að skora fleiri mörk. Ég held að ég eigi bara að skjóta á markið og þá kemur þetta", bætti hann við um stórglæsilegt mark sem hann skoraði á 48. mínutu leiksins og kom Stjörnunni í 4-2 og slökkti endanlega á allri von gestanna um að komast aftur í leikinn.
„Við höfum bilaða trú á hópnum, en það eru fullt af sterkum liðum eftir í þessari keppni. Maður veit aldrei hvað gerist í Bikarnum, þú verður alltaf að mæta 100 prósent", bætti Örvar við að lokum um tækifæri Stjörnunnar að komast alla leið og lyfta Mjólkurbikarnum fræga.
Athugasemdir
