Fótbolti.net

Mættu Brasilíu og Kólumbíu - „Þetta mun vera með mér það sem eftir er"

Samúel Kári hefði átt að fá gult og Karl Friðleifur rautt

Örvar Logi: Þetta er einum of gaman til að vera ekki að gera þetta oftar

Jökull: Hefði viljað sjá Hauk vinna þetta mót

Haraldur Freyr: Það er bara réttmæt spurning

Eiður Aron: Það er náttúrulega bara frábært að vera hérna

Súrrealískt að spila við Keflavík - „Lít ennþá upp til þeirra beggja"

Siggi Höskulds: Þessi bikarleikur kom kannski ekkert á frábærum tíma

„Ætla að leyfa mér að segja að Eiður Aron sé einn besti leikmaður landsins í augnablikinu“

Best í Mjólkurbikarnum: Þá var þetta komið gott

Jói Bjarna skoraði og lagði upp: Þetta er súrt og sætt

Karl Friðleifur: Það eru mismunandi skoðanir mér er alveg sama

Donni: Leiðinlegt hvernig liðið brotnaði og varð þreyttara

Sölvi: Bjóst við rauðu spjaldi þarna

Óskar Hrafn: Þetta hjálpar mér ekkert - Ég verð bara að trúa þeim

„Eiginlega bara drullað yfir okkur"

Elmar Kári: Búinn að bíða eftir þessu

Maggi: Sýnir trúna sem við erum með

Vuk: Er kannski nær markinu og með meira sjálfstraust

Jón Þór: Stóru vandamálin liggja ekki þar

fim 19. júní 2025 15:00

Sæbjörn Þór Þórbergsson Steinke

Mættu Brasilíu og Kólumbíu - „Þetta mun vera með mér það sem eftir er"

Mynd: Fótbolti.net - Hafliði Breiðfjörð

Guðmundur Baldvin Nökkvason var eðlilega kátur eftir sigur Stjörnunnar á Keflavík í 8-liða úrslitum Mjólkurbikarsins.

Hann ræddi við Fótbolta.net í gærkvöldi og í seinni hluta viðtalsins var hann spurður út í ferð U21 landsliðsins til Egyptalands fyrr í þessum mánuði.

Liðið mætti þar Brasilíu og Kólumbíu í vináttuleikjum. Ísland gerði markalaust jafntefli við Brasilíu en tapaði gegn Kólumbíu.

05.06.2025 20:52

U21: Jafnt gegn Brasilíu í Egyptalandi

Lestu um leikinn: Stjarnan 4 - 2 Keflavík

„Þetta var öðruvísi, vægast sagt, öðruvísi menningarkúltúr, en mjög góð ferð engu að síður. Gaman að spila við þessar þjóðir."

Guðmundur Baldvin var í byrjunarliðinu gegn Brasilíu, hvernig var að spila þann leik?

„Einn sá skemmtilegasti leikur sem ég hef spilað, þrátt fyrir mikil hlaup. Þetta var eitthvað annað að spila við Brasilíu, geðveikt skemmtilegur leikur. Þetta var heilsteyptur leikur og tvö góð lið að mætast, þeir eru mjög öflugir."

Í liði Brasilíu voru leikmenn á borð við Deivid Washington sem er hjá Chelsea, Pedrinho hjá Zenit og Gabriel Moscardo hjá Reims.

„Þeir voru góðir, en maður bjóst við meira. Við erum bara góðir líka held ég, áttum í fullu tré við þá, en það voru auðvitað allir þarna með einstaklingsgæði."

En hvað með Kólumbíu?

„Kólumbíu leikurinn var ólíkur flestum leikjum sem ég hef spilað. Þeir voru kraftmiklir og beinskeyttir en mjög grófir og hægðu á öllu sem hægt var að hægja á. Þeir áttu allt of margar ljótar tæklingar sem hefðu áttu að verðskulda rautt spjald. En þessi leikur fer bara í reynslubankann og þegar maður lítur til baka var bara geðveikt að fá leik við svona sterkan aðstæðing."

Í heildina, var þetta eftirminnilegt?

„100%, við fórum og skoðuðum pýramídana og kameldýr, spiluðum við Kólumbíu og Brasilíu. Þetta mun vera með mér það sem eftir er."

Næsta verkefni U21 verður í september þegar undankeppnin fyrir EM2027 hefst.

„Þá fer alvaran á fullt, fer að skipta máli, þá keyrum við ennþá meira á þetta," sagði Guðmundur Baldvin.