Hilmar Elís Hilmarsson.
„Bara geggjuð tilfinning. Samt smá blendnar tilfinningar, harðasti Þróttari landsins (Hinrik Harðarson) á afmæli í dag. Ég vildi ekki eyðileggja daginn hans en það gerðist.“ sagði Hilmar Elís Hilmarsson léttur ljúfur og kátur eftir fyrsta sigur Fjölnis á tímabilinu sem kom gegn Þrótti í kvöld.
Lestu um leikinn: Þróttur R. 1 - 4 Fjölnir
Hilmari leið vel í leiknum og segir stemninguna hafa verið mikla í liðinu sem fór aldrei.
„Mér leið vel í upphitun og þegar við mættum í leikinn. Svo mættum við þeim, fengum stemningu til okkar og mér fannst við aldrei missa hana. Kannski aðeins í seinni en aldrei eitthvað vesen.“
Fjölnir skoruðu tvö mörk á tveggja mínútna í fyrri hálfleiknum sem setti tóninn.
„Um leið og við skorum annað markið sérstaklega leið mér alltaf eins og við værum að fara að landa þessum heim.“
Eina leiðin fyrir Fjölni er að spyrna sig frá botninum sagði Hilmar eftir leik.
„Við erum komnir gjörsamlega á botninn, núna er eina leiðin til að fara upp. Við sýndum það í dag að við eigum skilið að vera í þessari deild. Við eigum að geta gert miklu betur og við sýndum það í dag að við erum tilbúnir í það.“
Hilmar segir Fjölnisliðið vera gott lið og eiga góða möguleika að halda sér uppi.
„Við erum með hörkugott lið og það sjá það allir í dag. 4-1 á móti Þrótt á útivelli segir sig sjálft. Við erum ekki búnir að tapa neinum leik illa nema HK leiknum fannst mér. Við eigum bullandi séns.“
Viðtalið við Hilmar má sjá í spilaranum hér að ofan.
Athugasemdir
