Andri Hjörvar Albertsson, þjálfari Þórs/KA, var svekktur í leikslok eftir að lið hans gerði 1-1 jafntelfi við Selfoss í Pepsi Max-deild kvenna fyrr í kvöld. Jöfnunarmark Selfyssinga kom seint í leiknum.
„Það er skiljanlegt að vera svekktur og súr með þetta. Við lögðum mikið púður í þennan leik og fáum því miður bara eitt stig. Stig sem við tökum og gæti verið mikilvægt í framhaldinu en stelpurnar mega svo sannarlega vera fúlar að fá ekki meira út úr leiknum í dag," sagði Andri í leikslok.
„Það er skiljanlegt að vera svekktur og súr með þetta. Við lögðum mikið púður í þennan leik og fáum því miður bara eitt stig. Stig sem við tökum og gæti verið mikilvægt í framhaldinu en stelpurnar mega svo sannarlega vera fúlar að fá ekki meira út úr leiknum í dag," sagði Andri í leikslok.
Lestu um leikinn: Selfoss 1 - 1 Þór/KA
Leikurinn var ekki mikið fyrir augað, fátt um fína drætti og færin létu á sér standa.
„Þetta var bara skák á milli liðanna og þjálfaranna. Ég man ekki einu sinni eftir færunum ef það voru einhver færi. Þetta var bara stöðubarátta á vellinum enda kannski mikið í húfi fyrir liðin. Ég get alveg skilið það að áhorfendur hafi ekki skemmt sér konunlega," sagði Andri glottandi.
Gestirnir frá Akureyri voru skipulagðir í leiknum og héldu sóknarmönnum Selfyssinga í skefjum.
„Við erum búin að vera að gera það upp á síðkastið. Við erum búin að taka út hættulega leikmenn í liði andstæðinganna og loka bara ansi vel á þá. Það er eitthvað sem við erum að gera vel," sagði Andri.
Tvö stór verkefni bíða Þór/KA en liðið mætir Val og Breiðablik í næstu tveimur leikjum. Andri ræðir þau verkefni nánar hér í spilaranum að ofan.
