,,Við Blikar erum oft í því að ryðja brautina"
Flosi Eiríksson.
Víkingur reynir að komast áfram í Sambansdeildina líkt og Breiðablik gerði í fyrra.
Sætinu í riðlakeppni Sambansdeildarinnar fagnað í fyrra.
Í gær var tilkynnt að leik KR og Víkings hefði verið fretað um tvær og hálfa viku vegna þátttöku Víkings í forkeppni Sambandsdeildarinnar.
Framundan eru tveir leikir hjá Víkingi gegn Santa Coloma í umspili fyrir sjálfa Sambansdeildina. Á milli leikjanna gegn Santa Coloma átti Víkingur að spila gegn KR á útivelli í deildinni en þeim leik var frestað.
Framundan eru tveir leikir hjá Víkingi gegn Santa Coloma í umspili fyrir sjálfa Sambansdeildina. Á milli leikjanna gegn Santa Coloma átti Víkingur að spila gegn KR á útivelli í deildinni en þeim leik var frestað.
Á sama tíma í fyrra stóð Breiðablik í ströngu í forkeppni Sambandsdeildarinnar. Liðið var þá í einvígi við norður-makedónska liðið Struga um sæti í Sambandsdeildinni. Þá vildi Breiðablik fá leik gegn Víkingi frestað en fékk það ekki í gegn.
„Mér finnst gott að þessum leik sé frestað. Auðvitað hefði ég viljað að það hefði verið gert í fyrra, en við Blikar erum oft í því að ryðja brautina, höfum gert það bæði karla- og kvennamegin í Evrópu, og eigum við ekki að segja að þetta sé eitt dæmi um það?" segir Flosi Eiríksson, formaður fótboltadeildar Breiðabliks, við Fótbolta.net.
Breiðablik varð fyrst íslenskra liða til að komast í riðlakeppni Evrópu, fyrst komst kvennaliðið í riðlakeppni Meistaradeildarinnar 2021 og svo komst karlaliðið í riðlakeppni Sambandsdeildarinnar í fyrra.
Það er engin fýla núna með að ekki hafi verið hægt að fresta í fyrra?
„Nei nei, við jöfnuðum það algjörlega í fyrra og gerðum grein fyrir því í bréfi og erindi. Svo höldum við bara áfram og horfum á mótið sem nú er í gangi."
„Það er í grunninn alltaf jákvætt að það sé verið að hjálpa liðunum í Evrópu, það var það sem við vorum að segja eins sterkt og við gátum í fyrra, en fengum ekki mikla áheyrn. Eigum við ekki að segja að aðrir séu að uppskera af okkar vinnu í fyrra," segir Flosi.
Athugasemdir
