Ítalía: Mertens og Insigne afgreiddu Parma - Osimhen frábær

Parma tók á móti Napoli er liðin mættust í fyrstu umferð nýs tímabils í ítölsku Serie A deildinni.

Staðan var markalaus eftir ótrúlega bragðdaufan fyrri hálfleik. Gennaro Gattuso lét í sér heyra í leikhlé og var allt annað að sjá til hans manna í seinni hálfleik.

Victor Osimhen byrjaði á bekknum en honum var skipt inn í síðari hálfleik og tók Napoli öll völd á vellinum.

Osimhen var afar líflegur og komst nálægt því að leggja upp og skora en það voru Dries Mertens og Lorenzo Insigne sem komu knettinum í netið.

Fín byrjun hjá Napoli og verðskuldaður sigur eftir frábæra frammistöðu í síðari hálfleik.