Rosengård fékk Vittsjö í heimsókn í kvöld og þar byrjaði toppliðið ansi vel. Olivia Schough skoraði tvö mörk snemma leiks og var staðan 2-0 þegar flautað var til hálfleiks.

Vittsjö minnkaði muninn í byrjun seinni hálfleiks en Rosengård svaraði því nokkuð vel og vann að lokum 3-1. Sanne Troelsgaard gerði þriðja mark Rosengård þegar stundarfjórðungur var eftir.

Glódís spilaði að venju allan leikinn fyrir Rosengård en hún hefur átt stórkostlegt tímabil.

Rosengård er á toppnum með fimm stiga forystu á Häcken sem er í öðru sæti.