Þór/KA 4 - 1 Víkingur R.
1-0 Agnes Birta Stefánsdóttir ('28 )
1-1 Dagný Rún Pétursdóttir ('42 )
2-1 Amalía Árnadóttir ('46 )
3-1 Sonja Björg Sigurðardóttir ('62 )
4-1 Sandra María Jessen ('67 )
Lestu um leikinn
1-0 Agnes Birta Stefánsdóttir ('28 )
1-1 Dagný Rún Pétursdóttir ('42 )
2-1 Amalía Árnadóttir ('46 )
3-1 Sonja Björg Sigurðardóttir ('62 )
4-1 Sandra María Jessen ('67 )
Lestu um leikinn
Þór/KA komst aftur á sigurbraut þegar liðið vann Víking í Boganum á Akureyri í kvöld.
Gestirnir byrjuðu leikinn vel en Freyja Stefánsdóttir komst í tvö góð færi snemma leiks en tókst ekki að setja boltann í netið. Sandra María Jessen fékk gott færi hinu megin en átti skalla yfir markið.
Heimakonur náðu fínum tökum á leiknum og uppskáru mark þegar Agnes Birta Stefánsdóttir var grimm inn á teignum eftir horn og kom Þór/KA yfir.
Víkingur jafnaði metin undir lok fyrri hálfleiks þegar Dagný Rún Pétursdóttir kom boltanum í netið eftir fyrirgjöf frá Lindu Líf Boama.
Þór/KA byrjaði seinni hálfleikinn af krafti en strax í upphafi átti Sandra María skot í slána og Amalía Árnadóttir náði frákastinu og skoraði og kom Þór/KA aftur yfir.
Sonja Björg Sigurðardóttir bætti þriðja markinu við þegar hún náði frákastinu eftir að Sigurborg varði skot frá Söndru Maríu. Það var síðan Sandra María sem innsiglaði sigur Þórs/KA þegar hún skallaði boltann í netið af mjög stuttu færi.
Þór/KA hafði tapað tveimur leikjum í röð í deildinni fyrir leik kvöldsins en eftir sigurinn er liðið áfram í 4. sæti nú með 18 stig, fjórum stigum á eftir FH sem er í 3. sæti. Víkingur er í 9. sæti með sjö stig.
Besta-deild kvenna
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Breiðablik | 10 | 8 | 1 | 1 | 40 - 7 | +33 | 25 |
| 2. Þróttur R. | 10 | 8 | 1 | 1 | 23 - 8 | +15 | 25 |
| 3. FH | 10 | 7 | 1 | 2 | 23 - 11 | +12 | 22 |
| 4. Þór/KA | 10 | 6 | 0 | 4 | 19 - 16 | +3 | 18 |
| 5. Fram | 10 | 5 | 0 | 5 | 14 - 21 | -7 | 15 |
| 6. Valur | 10 | 3 | 3 | 4 | 12 - 14 | -2 | 12 |
| 7. Stjarnan | 10 | 4 | 0 | 6 | 11 - 22 | -11 | 12 |
| 8. Tindastóll | 10 | 3 | 1 | 6 | 15 - 20 | -5 | 10 |
| 9. Víkingur R. | 10 | 2 | 1 | 7 | 16 - 26 | -10 | 7 |
| 10. FHL | 10 | 0 | 0 | 10 | 4 - 32 | -28 | 0 |
Athugasemdir
