Heimild: Dr. Football
Feðgarnir saman
Damir Muminovic gekk aftur til liðs við Breiðabliks á dögunum eftir dvöl hjá DPMM frá Brúnei sem lék í singapúrsku deildinni.
Damir var gestur í hlaðvarpsþættinum Dr. Football en þar rifjaði hann upp einvígi Breiðabliks gegn FC Kaupmannahöfn frá Danmörku í undankeppni Meistaradeildarinnar.
Damir var gestur í hlaðvarpsþættinum Dr. Football en þar rifjaði hann upp einvígi Breiðabliks gegn FC Kaupmannahöfn frá Danmörku í undankeppni Meistaradeildarinnar.
Árið 2023 var Damir hluti af liði Breiðabliks sem tryggði sér sæti í Sambandsdeildinni fyrst íslenskra liða. Liðið mætti FCK á leið sinni þangað. Í liði FCK var Orri Steinn Óskarsson og Damir var í miklum vandræðum með hann.
„Orri var 19 ára þegar ég spilaði á móti honum og hann gjörsamlega pakkaði mér saman á Parken, sama hvað maður ætlaði að gera. Maður var bara: Þetta er búið,“ sagði Damir.
Breiðablik tapaði heimaleiknum 2-0 og útileiknum 6-3 en Orri Steinn skoraði þrennu í Danmörku.
„Hann laug líka að Óskari fyrir leik að hann væri ekki að byrja. Óskar spurði hann daginn áður en svo rétt fyrir leik var hann í byrjunarliðinu,“ sagði Damir og hló.
Athugasemdir
