Juventus berst við Napoli um Sancho - Slot hefur áhuga á Guehi - Man Utd horfir til Ítalíu
   lau 21. júní 2025 17:58
Jóhann Þór Hólmgrímsson
Lengjudeildin: Jakob Héðinn með þrennu í frábærum sigri Völsungs
Lengjudeildin
Mynd: Fótbolti.net - Haukur Gunnarsson
Grindavík 2 - 4 Völsungur
0-1 Jakob Héðinn Róbertsson ('26 )
0-2 Jakob Héðinn Róbertsson ('39 )
1-2 Elvar Baldvinsson ('68 , sjálfsmark)
1-3 Gestur Aron Sörensson ('70 )
2-3 Ingi Þór Sigurðsson ('91 )
2-4 Jakob Héðinn Róbertsson ('92 )
Lestu um leikinn

Nýliðar Völsungs heimsóttu Grindavík og nældu í frábæran sigur.

Jakob Héðinn Róbertsson kom gestunum yfir þegar hann komst í gegn og skoraði framhjá Matias Niemela í marki Grindavíkur. Völsungur var með yfirhöndina í kjölfarið og Jakob bætti við sínu öðru marki undir lok fyrri hálfleiks.

Grindavík komst inn í leikinn þegar Elvar Baldvinsson varð fyrir því óláni að skora sjálfsmark eftir fyrirgjöf úr aukaspyrnu. Aðeins tveimur mínútum síðar skoraði Gestur Aron Sörensson fyrir Völsung og kom liðinu aftur í tveggja marka forystu.

Ingi Þór Sigurðsson minnkaði muninn í uppbótatíma þegar hann slapp einn í gegn. Strax í kjölfarið fullkomnaði Jakob Héðinn þrennu sína og innsiglaði sigur Völsungs.

Frábær sigur hjá Húsvíkingum sem stökkva upp í 5. sæti með 13 stig eftir níu umferðir. Völsungur stekkur meðal annars upp fyrir Grindavík sem fellur niður í 7. sæti með 11 stig en á leik til góða.
Lengjudeild karla
Lið L U J T Mörk mun Stig
1.    ÍR 8 5 3 0 12 - 4 +8 18
2.    Njarðvík 9 4 5 0 21 - 9 +12 17
3.    HK 9 5 2 2 17 - 9 +8 17
4.    Þróttur R. 9 4 2 3 16 - 15 +1 14
5.    Völsungur 9 4 1 4 15 - 19 -4 13
6.    Keflavík 7 3 2 2 15 - 9 +6 11
7.    Grindavík 8 3 2 3 22 - 19 +3 11
8.    Þór 8 3 2 3 18 - 17 +1 11
9.    Leiknir R. 9 2 2 5 10 - 22 -12 8
10.    Fylkir 9 1 4 4 10 - 14 -4 7
11.    Fjölnir 9 1 3 5 11 - 19 -8 6
12.    Selfoss 8 2 0 6 6 - 17 -11 6
Athugasemdir